23122007

驚天奪寶：世紀秘冊 (National Treasure: Book of Secrets)
都算唔錯...不過始終都唔夠之前o個d好睇!!!
發現而家條腰一坐得耐就唔舒服...由其係兩個鐘o個d戲...
晚餐~同埋老豆+細佬去沙樂美食什扒餐 之後去左旺角join美美佢地唱K
嘩~有成7個月冇唱過啦!! 爆多歌都唔識...又有抽獎活動!!! 今次抽到超大排朱古力~~~

22122007

Christmas Party + 東至
下午3點半左右我地Reception Dep't開始左只屬於我地ge Party!!
簡單黎講其實只係大食會同抽獎...
我同傻佬分別抽到杯"箭"同手動座檯月曆
最意想不到ge係原來有人可以咁cheap...

咁不要面子地拎d咁ge玩具出黎做禮物...

夜晚...又再一次同傻佬ge家族食飯...
今次去左Mega Box ge 魯一居
係呀...又係上海菜...佢地個個都覺得d野好正...好好味!!
不過傻佬同我都覺得還可以...

只有山煎包唔錯~~

21122007

我開始覺得我被人蝦梗lor~~
由上次傾完返工時間ge問題之後...
對我ge代遇愈黎愈差!!!!!!!!!!!!!!!!!!!!!!!!!!!!!!!!!!!!!!

第一, 返工時間多左...人工照舊
第二, 有時淨係得我冇得放飯
第三, 個個有錢派...又係得我冇.............

South Pacific Hotel---->超討厭呀

20122007

魔幻羅盤 (Golden Compass)
一直好期待呢套戲上映...但最終有d失望
太多人物啦...時間又咁短...都交待唔晒佢地ge來歷
其實如果有續集ge話點解唔講慢d??

個 Compass靚就係幾靚...但得個女主角先知發生咩事...
凡地想代入都代入唔到!!!

仁安醫院

傻佬話佢條腰真係好痛
我再唔陪佢睇佢一定會發脾氣
所以佢一返到黎煮左咩俾佢食等埋佢媽咪收工就入沙田
講真...我真係唔鍾意佢d臭脾氣...
要發咪發lor...又要虐待自己...唉...

睇左成$1600...最終都係話撞親下...
我一早都話左啦!!! 不過個傻佬唔check過都唔會安樂ga la...
攪到成7點先攪掂...之後去左火炭"津津"食dinner

壞女孩

今日又冇返到學
唔知點解個人好似訓極都訓唔夠咁
最終訓到3點先肯起身...

傻佬今朝好唔小心咁摔親...
左邊半個人撞到瘀晒...好慘呀!!!
所以今日乜都就晒佢啦~~
等佢收工之如仲陪佢去工展會
大就係夠大呀...不過我覺得都冇乜野岩ge
之前o個個美食節仲正d添~

17122007 - 7個月了
時間過得好快...
話咁快就7個月啦!!

亦都係傻佬ge重要日子 - 考車牌... 琴日先發生左單新牌仔車禍, 仲要兩死一傷 !!所以考唔到都係一件好事黎ge~~

為左佢...我 請左假

去圓方睇"投名狀", 順便拎埋張會員咭...又去左食佢最鍾意食 ge burger!!跟住仲因為估邊個係真人企左o係o個度三個字...超低能...哈哈~~

返到荃灣我地仲去左"霸王山莊"度食宵夜^^

沙田新滋味 - 西田Food Court

15122007
又到星期六...又係時間返工...

愈黎愈懶唔想做野...好想好想陪傻佬出去玩...

又或者訓返夠本!!

點解??點解得我冇得放飯????????????

我唔叫外賣je唔代表我唔駛食ga!!!

聽老豆話沙田西田新開左個Food Court

冇食lunch ge我梗係好啦

不過收得工黎又要去尖東拎野

去到都已經差唔多6點...

但最早到ge都係我 =.="

好多唔同種類ge野食!! 唔同其他o個d Food Court咁大部份都係中式...我最討厭ge就係o個d ga la!! 呢到就唔同呢~d野食超吸引

我同細佬, 老豆食左好多好多野~~有關東煮, 什錦炸物飯, 燒八爪魚丸, 燒餅, 蛋炒面...仲有水果!!唔駛二百就可以飽到唔想陏...低呀~~

浪費

終於算攪掂左個B.S project啦
唉...勉勉強強都可以ge...
pre完又要o拿o拿臨打埋個report
打左好耐...
攪到我蝕左兩左戲飛
原來傻佬呀~自己走左去圓方買飛又唔話我知
等到過晒鐘我都未走得佢先話我知>.<
唔係見佢唔舒服一早就發左佢脾氣lu!!!

Business Strategy Presetation

好難做呀!!
d資料極難搵lor...
愈黎愈唔想讀書...
仲有半年呀@*#&%^)(#@

深井意大利餐廳

一早已經聽過深井開左間意大利餐廳
不過直到今時今日為左慶祝傻佬生日先去試到
$138/位...野食任叫任食(不過我估唔係即叫即整)
d份量好細所以可以放心咁盡情叫!!
我地好勁咁試晒d頭盤同伴菜(除左唔鍾意食o個d冇叫到之外)
熱盤同主菜就試左兩三樣...
味道都算唔錯
唯一唔好ge就係d service太慢啦!!!!!!!!!!!
唉...得兩個Staff係咁上下...

上海菜

原本放左學之後想同傻佬去行下工展會
點知屋企人話同佢預祝生日...
所以等佢出左黎就返去左中染間嚼江南度食
d野中等價錢到啦...不過味道都唔錯
由其係"生煎鍋貼"同"滕仔條炆豬肉"~~
傻佬就鍾意食"蟹粉小籠包"多d!!!
梗係啦~~成$20個gor wor

食飽飽我地兩個就行左陣千色店
見佢生日又咁鍾意...
就俾佢買兩對鞋啦!!差唔多千七ga~~

煩惱的一天

我都未試過咁麻煩ga!!!
同FOM傾唔掂, 又要同HRM傾...
傾左成差唔多兩個鐘, 攪到我d同事放唔到飯

我都係唔明白明明簽月薪
但計返工ge日子就weekly咁計
以前o個d工都唔係咁計ge???
不過算啦...竟然有bouns出就返多幾個月lor~

採購員

今日完全令我想返起以前
做採購員真係好攰...
鬼咩~
逐間逐間入去睇之如又仲要慢慢揀...
行到好攰但都唔係買到好多靚野...
講真d野都唔係好平...又搵唔到最想買ge野 = . =
唔係幫表妹我先唔會咁蠢!!!!!!!!!!!!!!!!!!!!!!!!

賺錢

呀Sir今日教我地一個不勞而獲ge賺錢方法
所以就開左呢個blog
唔知係未真係得ge呢?